"Facebook", "Instagram" və "WhatsApp"ın sahibi Meta-nın "Twitter"ə rəqib olan yeni sosial media platforması "Threads"in bu günədək abunəçi sayı 70 milyona çatıb.

"Operativ Media" xəbər verir ki, bu barədə məlumatı Meta şirkətinin baş icraçı direktoru (CEO) Mark Zukerberq paylaşıb.

"Bu səhərə olan məlumata görə, "Threads"də 70 milyon qeydiyyat olub. Gözləntilərimizdən də çoxdur", - Zukerberq bildirib.

Qeyd edilib ki, "Threads" istifadəçilərinin sayının sürətlə artmasında istifadəçilərin "Instagram" hesabları vasitəsilə platformaya daxil ola bilməsi təsirli olub.