Bakıda kütləvi dava düşüb

Yasamal rayonunda kütləvi dava baş verib. Hadisə Əsəd Əhmədov küçəsi 41-də qeydə alınıb.

"Operativ Media" xəbər verir ki, bu barədə Yasamal Rayon Polis İdarəsindən bildirilib.

Qeyd olunub ki, bir qrup şəxs əlbəyaxa davaya çıxıb.

"Hadisə ilə bağlı Yasamal Rayon Polis İdarəsinin 29-cu polis şöbəsinə şikayət və ya müraciət daxil olmayıb. Hazırda sosial şəbəkədə yayılan videogörüntülərlə bağlı şöbənin əməkdaşları tərəfindən araşdırmalar başlanılıb” - deyə məlumatda bildirilib.

Qeyd edək ki, xəsarət alanların olub-olmadığı məlum deyil.