Bu gün “Təmiz ölkəm” aksiyası çərçivəsində Abşeron rayonunun Duz gölü ətrafında, Tərtərçayın Bərdə rayonu, Gəncəçayın Gəncə şəhəri və Kür çayının Mingəçevir şəhəri ərazisindən keçən hissələrində təmizlik aksiyaları keçirilib.

"Operativ Media" xəbər verir ki, Ekologiya və Təbii Sərvətlər Nazirliyinin regional bölmələrinin, yerli icra orqanlarının, yerli Mənzil-Kommunal Təsərrüfatı və İstehsalat Birliyinin əməkdaşlarının, sakinlərin və könüllülərin iştirakı ilə keçirilən iməciliklər zamanı, ümumilikdə 3.5 tondan artıq tullantı təmizlənərək daşınıb.