Yaponiyada xarici vətəndaşların sayı rekord səviyyəyə çatır

Yaponiya əhalisi kəskin azalır, xarici sakinlərin sayı isə rekord səviyyəyə çatır.

“Operativ Media” “The Associated Press”ə istinadən xəbər verir ki, bu barədə Daxili İşlər və Rabitə Nazirliyinin məlumatında deyilir.

Məlumata görə, ölkədə xarici sakinlərin sayı təxminən 3 milyon nəfərə çatıb.  Bildirilib ki, Yaponiya vətəndaşlarının sayı 2022-ci ildə əvvəlki illə müqayisədə təxminən 800 min nəfər və ya 0,65% azalaraq 122,4 milyon nəfərə enib.

Yaponiyanın ümumi əhalisi isə 125,41 milyon nəfər olub ki, bu da əvvəlki illə müqayisədə yarım milyon nəfər azdır. Eyni zamanda, ölkədə qeydiyyatda olan xarici vətəndaşların sayında 10,7% artım olub.

Gözəl Həşimova