Salyanda qatarın piyadanı vurması ilə bağlı cinayət işi açılıb

Salyan-Salmanlı dəmiryol xətinin Salyan şəhəri ərazisindən keçən 45-ci km-də qatarın qadını vurması ilə bağlı cinayət işi açılıb.

Bu barədə "Operativ Media" ya Baş prokurorluğun Mətbuat xidmətindən bildirilib.

"Avqustun 16-sı saat 10 radələrində Salyan-Salmanlı dəmiryol xətinin Salyan şəhəri ərazisindən keçən 45-ci km-də hərəkətdə olan qatarın 1969-cu il təvəllüdlü Səadət Dadaşovanı vurması nəticəsində sonuncunun almış olduğu xəsarətlərdən ölməsi faktı ilə bağlı Salyan rayon prokurorluğunda Cinayət Məcəlləsinin 262.2-ci (dəmir yolu nəqliyyatının hərəkət təhlükəsizliyi və istismarı qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanmaqla ibtidai istintaq aparılır", - Baş prokurorluqdan qeyd edilib.