"Apple" "İphone 15"lərin qızma problemini yeniləmə ilə həll etməyə çalışır

"Apple" iOS 17.0.3 əməliyyat sistemi yeniləməsini təqdim edib.

"Operativ Media" xəbər verir ki, şirkət bu yenilənmənin "iPhone 15 Pro" və "15 Pro Max"ın həddindən artıq istiləşmə problemini həll edəcəyini bildirib.

Əməliyyat sisteminin yeni versiyası "iPhone 15 Pro" və "15 Pro Max"ın optimallaşdırma xətalarını aradan qaldırmaq üçün nəzərdə tutulub.

Yeniləmə "iPhone 15 Pro" və "15 Pro Max"da istifadə edilən A17 Pro prosessorunun işinə təsir etməyib. 

Qeyd edək ki, "iPhone 15 Pro" satışa çıxdığı andan etibarən onun "qızma" problemi gündəm olub. Eyni zamanda, istifadəçilər "iPhone 15"in dinamiklərinin səs keyfiyyətindən şikayətlənirlər.

Xüsusilə, dinamiklərin səsini 80 faizdən yuxarı qaldıranda səsin çox pozulduğu bildirilir.