NATO Şimali Koreya qoşunlarının Ukraynada hər hansı şəkildə iştirak etdiyini təsdiqləməyib.

"Operativ Media" xəbər verir ki, bu barədə Alyansın baş katibi Mark Rutte NATO müdafiə nazirlərinin görüşünün ilk gününün yekunlarına dair mətbuat konfransında bildirib.

“NATO-nun Ukraynada KXDR ordusunun olmasına dair heç bir sübutu yoxdur", - Mark Rutte deyib.

Eyni zamanda, onun sözlərinə görə, NATO hesab edir ki, KXDR Rusiyaya hərbi yardım edir, silah və texnologiya tədarük edir.

O qeyd edib ki, NATO-nun müdafiə nazirləri Şimali Koreya, Çin və İranın münaqişədə iddia edilən rolunu müzakirə ediblər.

Oktyabrın 16-da Rusiya Xarici İşlər Nazirliyinin rəsmi nümayəndəsi Mariya Zaxarova deyib ki, səlahiyyətləri may ayında başa çatan Zelenski xüsusi əməliyyatda kimin iştirak etdiyi mövzusunu şərh etməməlidir.