Quterreş Şimali Koreyanın ballistik raket buraxmasını kəskin şəkildə pisləyib

Birləşmiş Millətlər Təşkilatının (BMT) baş katibi Antonio Quterreş Şimali Koreyanın qitələrarası ballistik raket buraxmasını kəskin şəkildə pisləyib.

"Operativ Media" xəbər verir ki, Quterreşin reaksiyası ilə bağlı BMT sözçüsü tərəfindən yazılı açıqlama verilib.

“BMT-nin baş katibi Şimali Koreyanın qitələrarası ballistik raket (ICBM) buraxmasını qətiyyətlə pisləyir”, - bəyanatda deyilir

Açıqlamada Quterreşin gərginliyin azaldılmasını və BMT Təhlükəsizlik Şurasının müvafiq qətnamələrinin yerinə yetirilməsini tələb etdiyi bildirilib və diplomatik əlaqənin yeganə variant olduğu vurğulanıb.

Bildirilib ki, Şimali Koreya Yaponiya dənizinə (Şərq dənizi) qitələrarası ballistik raket atıb.