BMT son iki ayda Livanda 200-dən çox uşağın öldüyünü açıqlayıb

Livanda İsrail və Livanın şiə "Hizbullah" hərəkatı arasında iki aydan az müddətdə gedən döyüşlərdə 200-dən çox uşaq həyatını itirib.

"Operativ Media" xəbər verir ki, bu barədə BMT Uşaq Fondu (UNICEF) məlumat yayıb.

UNICEF-in sözçüsü Ceyms Elder bildirib ki, son iki ay ərzində Livanda 200-dən çox uşaq öldürülüb.

O, həmçinin qeyd edib ki, Livanda hər gün orta hesabla üç uşaq həyatını itirir.