Lukaşenkonun prezidentliyə namizədliyinin irəli sürülməsi üçün 1,5 milyondan çox imza toplanıb

"Operativ Media" TASS-a istinadən xəbər verir ki, namizəd kimi qeydiyyatdan keçmək üçün ən azı 100 min seçici imzası toplamaq lazımdır.

Qeyd olunur ki, sabah Lukaşenko öz təşəbbüs qrupunun rəhbəri və koordinatorları ilə görüşdə seçki kampaniyası məsələlərini müzakirə edəcək.

Xatırladaq ki, Belarusda prezidentliyə namizədlərin irəli sürülməsinin dəstəklənməsi üçün imza toplanması noyabrın 7-də başlayıb və dekabrın 6-da başa çatacaq.