30 Noyabr 2024, 16:44
Suriya müxalifəti Hələbin yarıdan çox hissəsini nəzarətə götürüb
Suriya üsyançı qüvvələri ölkənin ikinci ən böyük şəhəri Hələbin yarıdan çox hissəsini nəzarətə götürüb.
"Operativ Media" xəbər verir ki, bu barədə CNN məlumat yayıb.
Suriyanın Müdafiə Nazirliyi Hələb hücumunda onlarla əsgərin həlak olduğunu bildirib.
O, əlavə edib ki, üsyançı qüvvələr şəhərə daxil olub, lakin onlar “möhkəm mövqelər yarada bilməyiblər” və əks-hücuma hazırlıq üçün əlavə qüvvələr gəlib.