Hollandiya Müdafiə Nazirliyi Hollandiyada məcburi hərbi xidmətin ləğvindən 27 il sonra yenidən tətbiq edilməsi imkanını nəzərdən keçirir.
"Operativ Media" xəbər verir ki, bu barədə RTL telekanalı müdafiə idarəsinin sənədlərinə istinadən məlumat yayıb .
Sənədə əsasən, Müdafiə Nazirliyi bu məqsədə nail olmaq üçün zəruri olan tədbirlər planını hazırlayıb. Telekanal qeyd edib ki, icbari hərbi xidmətin tətbiqi kifayət qədər uzun vaxt aparacaq.
Qeyd edək ki, Hollandiyanın peşəkar ordusu hazırda 42 mindən çox əsgərdən ibarətdir.
