Paşinyan: Ermənistanın KTMT-yə qayıtmasını qeyri-mümkün hesab edirəm

"Operativ Media" xəbər verir ki, bunu Ermənistanın baş naziri Nikol Paşinyan deyib.

“Biz dedik ki, KTMT-nin fəaliyyətində iştirakımızı dondururuq. Bu o deməkdir ki, biz heç bir sənədin müzakirəsində iştirak etmirik. Çünki biz mahiyyət etibarı ilə özümüzü KTMT-dən kənarda hesab edirik. Qoy onlar nə istəyirlərsə etsinlər. Bu vəziyyət Ermənistanın KTMT-yə qayıtmasını getdikcə çətinləşdirir, hətta qeyri-mümkün edir",- deyə Nikol Paşinyan qeyd edib.