2022-ci ilin fevral ayından bəri Rusiya-Ukrayna müharibəsi səbəbindən hər gün orta hesabla 2 uşağın ölüb və ya yaralanıb.
"Operativ Media" xəbər verir ki, bu barədə Birləşmiş Millətlər Təşkilatının (BMT) Uşaq Fondunun (UNICEF) icraçı direktoru Ketrin Rassel bildirib.
İcraçı direktor 2024-cü ilin 9 ayında uşaq itkilərinin 2023-cü ildə qeydə alınandan daha çox olduğunu açıqlayıb.
“2022-ci ilin fevralından bəri ən azı 2406 uşaq ölüb və ya yaralanıb ki, bu da hər gün orta hesabla 2 uşaq deməkdir", - deyə Rassel qeyd edib.
UNICEF-in icraçı direktoru, həmçinin 3,6 milyon insanın Ukrayna daxilində köçkün, 6,7 milyon insanın isə qaçqın vəziyyətinə düşdüyünü bildirib.
