Paraqvayda "Təndir sənətkarlığı və çörək bişirmə mədəniyyəti" nominasiyasının sertifikatı Azərbaycana təqdim olunub

"Operativ Media" xəbər verir ki, bu barədə Azərbaycanın UNESCO-dakı Milli Komissiyasından məlumat verilib.

Bildirilib ki, təqdimetmə Paraqvayın Asunsion şəhərində keçirilən UNESCO-nun Qeyri-maddi Mədəni İrs üzrə Hökumətlərarası Komitəsinin 19-cu sessiyası çərçivəsində baş verib.

Qeyd edək ki, “Azərbaycanda təndir sənətkarlığı və çörək bişirmə mədəniyyəti” adlı milli nominasiyası UNESCO-nun Bəşəriyyətin Qeyri-maddi Mədəni İrsinin Reprezentativ Siyahısına daxil edilib. Bu barədə qərar UNESCO-nun Paraqvayın Asunsion şəhərində keçirilən Qeyri-maddi Mədəni İrsin Qorunması üzrə Hökumətlərarası Komitənin 19-cu sessiyasında verilib. UNESCO-nun Qiymətləndirici Orqanı tərəfindən müvafiq meyarlar üzrə müsbət rəy alan nominasiya faylına dair qərar dekabrın 3-də elan edilib. Bununla da UNESCO-nun Qeyri-maddi Mədəni İrsinin Reprezentativ Siyahısında yer alan elementlərimizin sayı 24-ə çatdırılıb.