Gürcüstan pirotexniki vasitələrin satışı və istifadəsini məhdudlaşdırmağı planlaşdırır

"Operativ Media" xəbər verir ki, bu barədə Gürcüstan parlamentin sədri Şalva Papuaşvili məlumat verib.

“Bu həftə biz digər məsələlərlə yanaşı, pirotexniki vasitələrin idxalı və satışı məsələlərinə də baxacağıq”, - deyə Papuaşvili bildirib.

Onun sözlərinə görə, pirotexniki vasitələrdən istifadənin məhdudlaşdırılması ilə bağlı söhbətlər əvvəlki parlamentdə başlayıb. Lakin Gürcüstandakı etirazlar bu sahənin nizamlanmasının vacib olduğunu sübut edib.