Avstriya Şengen zonasının genişlənməsinə qoyulan vetonu ləğv edib

"Operativ Media" xəbər verir ki, bu barədə Avstriyanın ORF telekanalına açıqlamasında ölkənin daxili işlər naziri Gerhard Karner məlumat verib.

Nazir bildirib ki, artıq Şengen ərazisi Rumıniya və Bolqarıstan üçün də açıqdır.

Qeyd olunub ki, Avstriya 12 dekabr cümə axşamı Brüsseldə keçiriləcək Avropa İttifaqı Daxili İşlər Nazirləri Şurasında Bolqarıstan və Rumıniyanın Şengen zonasına tam üzv olmasını dəstəkləyəcək.

“Biz mane olmayacağıq. “Şengen torpağı” artıq Rumıniya və Bolqarıstan üçün də açıqdır”, - deyə Karner vurğulayıb.