"Operativ Media" xəbər verir ki, Tramp bu barədə “Time” jurnalına verdiyi müsahibədə danışıb.

“Hər bir işə ayrı-ayrılıqda baxacağam. İnsanlar zorakılıq etməyiblərsə, düşünürəm ki, artıq kifayət qədər ağır cəza çəkiblər”, - deyə o bildirib.

Tramp vurğulayıb ki, yenidən prezident seçildiyi təqdirdə bu məsələ ilə dərhal məşğul olacaq. “Bəlkə də səlahiyyət müddətimin ilk 9 dəqiqəsində bunu edərdim”, - deyə əlavə edib.

Xatırladaq ki, 2021-ci il yanvarın 6-da ABŞ Konqresi 2020-ci il prezident seçkilərinin nəticələrini təsdiqləmək üçün iclas keçirməli idi. Həmin gün Trampın tərəfdarları Vaşinqtonda etiraz aksiyası təşkil edib, bəzi nümayişçilər Konqres binasına daxil olaraq iclası yarımçıq qoymuşdular. Demokratlar həmin insidentə görə Trampı məsuliyyət daşımaqda ittiham ediblər.