Sərnişin və yük qatarlarının toqquşması zamanı xəsarət alanların sayı artıb - YENİLƏNİB

"Operativ Media" xəbər verir ki, Səhiyyə Nazirliyinin məlumatına görə, Murmansk vilayətində qatarın toqquşması nəticəsində xəsarət alanların sayı 16 nəfərə çatıb ki, onlardan da üçünün uşaq olduğu bildirilir.

20:33

Rusiyanın Murmansk vilayəti yaxınlığında iki qatarın toqquşması nəticəsində 11 nəfər xəsarət alıb.

"Operativ Media" xəbər verir ki, bu barədə Rusiya səhiyyə nazirinin köməkçisi Aleksey Kuznetsov bildirib.

Qeyd edək ki, bu gün yerli vaxtla saat 16:15-də Murmansk vilayətinin Knyajaya stansiyasına çatan zaman 326 sərnişinin olduğu 11 nömrəli Murmansk-Sankt-Peterburq sərnişin qatarı yük qatarı ilə toqquşub.

18:36

Rusiyanın Murmansk vilayətində yük qatarı sərnişin qatarı ilə toqquşub.

"Operativ Media" xəbər verir ki, bu barədə Şimal-Qərb Nəqliyyat Prokurorluğu məlumat yayıb.

"İlkin məlumata görə, bu gün Murmansk - Sankt-Peterburq marşrutu üzrə hərəkət edən sərnişin qatarı ilə yük qatarı Knyajaya stansiyası ərazisində toqquşub", - məlumatda qeyd olunub.

Vilayətin qubernatoru Andrey Çibisin sözlərinə görə, xilasedicilər hadisə yerinə gedib, həmçinin üç təcili yardım briqadası da göndərilib.

Bildirilib ki, bütün halların araşdırılması, xüsusi xidmət və hüquq-mühafizə orqanlarının işinin əlaqələndirilməsi üçün Kandalakşa nəqliyyat prokuroru Tatyana Çumakova hadisə yerinə gedib.

RJD şirkətindən bildirilib ki, ilkin məlumata görə, sərnişin qatarının üç vaqonu və yük vaqonları relsdən çıxıb. Xəsarət alanlarla bağlı məlumat dəqiqləşdirilir. Həmin ərazidə hərəkət dayandırılıb.