ÜST Suriya üçün 56,4 milyon dollarlıq təcili yardım kampaniyası başladıb

"Operativ Media" xəbər verir ki, bu barədə ÜST yazılı açıqlama verib.

Açıqlamada Suriya Bəşər Əsəd rejiminin devrilməsindən sonra dönüş nöqtəsində olduğu bildirilib.

Məlumatda qeyd olunub ki, ÜST illərlə davam edən qarşıdurmalardan təsirlənən suriyalıların təcili sağlamlıq ehtiyaclarını qarşılamaq üçün 56,4 milyon dollarlıq yardım kampaniyasını başladıb. ÜST-nin kampaniyası humanitar böhranın həlli yollarını tapmaq və bərpa üçün zəmin yaratmaq məqsədi daşıyır.

"Növbəti 6 ay ərzində ÜST tərəfdaşları ilə birlikdə travma müalicəsi, epidemiyaların qarşısının alınması, xəstələrin göndərilməsi və səhiyyə sisteminin koordinasiyasının gücləndirilməsinə yönəltməyə davam edəcək", deyə məlumatda vurğulanıb.