Kazan hava limanında müvəqqəti məhdudiyyətlər aradan qaldırılıb - YENİLƏNİB

"Operativ Media" xəbər verir ki, bu barədə Rosaviatsiya məlumat yayıb.
 

"Kazan hava limanında, Moskva vaxtı ilə saat 10:05-dən etibarən təyyarələrin qəbulu və buraxılmasına qoyulan məhdudiyyətlər aradan qaldırılıb", - məlumatda deyilir.

***

10:33

Tomsk, Surqut və Kemerovodan Kazana uçan reyslər Beqişevoya yönləndirilib.

"Operativ Media" xəbər verir ki, aeroportun mətbuat xidmətindən RİA-ya verilən məlumata görə, Tomsk, Surqut və Kemerovodan Kazana uçan təyyarələr Beqişevodakı alternativ aerodromlara yönləndirilib.

Uçuşların təhlükəsizliyini təmin etmək üçün Kazan hava limanının fəaliyyətinə müvəqqəti məhdudiyyətlər qoyulub. 11 reysin uçuş vaxtı və 14 təyyarənin gəlişi təxirə salınıb. Onların arasında Düşənbə və Almatıdan beynəlxalq reyslər də var .

“Tomsk, Surqut və Kemerovodan Kazan hava limanına uçan reyslər təyyarə komandirlərinin qərarı ilə Beqişevodakı alternativ aerodromlara yönləndirilib”, - deyə Kazan hava limanının mətbuat xidməti agentliyə bildirib.