ABŞ-nin müharibə dövründə Ukraynaya ayırdığı maliyyə yardımı açıqlanıb

"Operativ Media" xəbər verir ki, bu barədə ABŞ Müdafiə Nazirliyi (Pentaqon) məlumat yayıb.

Bildirilib ki, bu məbləğin təxminən 65,4 milyard dolları Rusiya ilə Ukrayna arasındakı müharibə zamanı ayırılıb.

Məlumata görə, Baydenin prezidentliyi dövründə ABŞ başqa avadanlıqlarla yanaşı, “Patriot” hava hücumundan müdafiə sisteminin üç batareyasını və 12 NASAMS hava hücumundan müdafiə sistemini Kiyevə verib. Bundan əlavə, Ukraynaya 40-dan çox HIMARS MLRS, 200-dən çox 155 mm-lik haubitsa və 3 milyondan çox 155 mm-lik artilleriya mərmisi, 7 mindən çox yüksək dəqiqlikli 155 mm-lik mərmi göndərilib.

Pentaqonun tərtib etdiyi siyahıya həmçinin 300-dən çox “Bradley” piyada döyüş maşını, 31 “Abrams” tankı və 1,7 minə yaxın müxtəlif zirehli transportyor daxildir.

Qeyd edək ki, C.Bayden 2021-ci ildə hakimiyyətə gəlib.