ABŞ məhkəməsi Trampın cinsi təcavüzə görə 5 milyon dollar təzminat ödəməsini təsdiqləyib

"Operativ Media" xəbər verir ki, ABŞ 2-ci Dairə Apellyasiya Məhkəməsi, Trampın münsiflər heyətinin qərarına qarşı etdiyi şikayətlə bağlı qərarını açıqlayıb.

Apellyasiya məhkəməsinin yazılı şəkildə təqdim olunan qərarında, “Trampın şikayət etdiyi bölgə məhkəməsinin qərarında səhv etdiyinə dair heç bir sübut tapılmadığı nəticəsinə gəldik” ifadəsi işlədilib. Bundan əlavə, işdə yeni bir məhkəmə prosesinə ehtiyac olmadığına qərar verildiyi bildirilib.

Tramp cinsi təcavüz ittihamı ilə bağlı məhkəmə münsiflərinin Carrolla 5 milyon dollar təzminat ödəmək qərarından sonra, sentyabr ayında məhkəmə prosesində hakimin "çoxlu səhvlər etdiyini" iddia edərək apellyasiya şikayəti vermiş və işin yenidən baxılmasını tələb etmişdi.

Carrollun Trampın cinsi təcavüzü inkar edərək ona böhtan və iftira atdığı səbəbiylə açdığı başqa bir işdə isə seçilmiş prezidentin 83,3 milyon dollar təzminat ödəməsi qərara alınmışdı.