2025-2026-cı tədris ili üzrə 113 minə yaxın uşaq artıq 1-ci sinfə qəbul olunub

2025-2026-cı tədris ili üzrə uşaqların birinci sinfə qəbulu uğurla davam edir.

Operativ Media xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov "Zəkalar" liseyində keçirilən Son Zəng tədbirində jurnalistlərə müsahibəsində bildirib.

Onun sözlərinə görə, bu günə qədər 113 min nəfərə yaxın uşağın birinci sinfə qəbulu tamamlanıb:

"Proses sentyabrın 12-inə qədər davam edəcək.

Tədris ili yaxınlaşdıqca ümumi təhsil müəssisələrində uşaqların qeydiyyatının aparılması, sənədləşmə işlərinin dəqiq və vaxtında başa çatdırılması baxımından bu mərhələnin əhəmiyyətini nəzərə alaraq bildiririk ki, övladlarının 2024-2025-ci tədris ili üzrə I sinfə elektron qəbulu prosesini həyata keçirmək istəyən valideynlər mektebeqebul.edu.az saytı vasitəsilə şəxsi kabinet yaradaraq məktəb və müəllim seçimi edə bilərlər".