Nurlan İsmayılbəyli: 1000-ə yaxın vakant yer birləşdirilib

Müəllimlərin işə qəbulu üzrə müsabiqənin növbəti müsahibə mərhələsi avqustun 22-dən həyata keçiriləcək. 

Operativ Media xəbər verir ki, bunu Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli jurnalistlərə açıqlamasında deyib.

O bildirib ki, bu mərhələdə azsaatlı vakant yerlər birləşdirilərək təqdim olunacaq. Məqsəd müəllimlərə daha yüksək məvacibin verilməsini təmin etməkdir.

“Birləşdirilmiş vakant yerlərin sayı 1000-ə yaxındır. Bu vakant yerlər müxtəlif regionları əhatə edir”.