Qazaxıstan elektrik ötürücü xətlərin (PTL) diaqnostikası və qüsurları müəyyən etmək üçün süni intellektə (AI) malik dronlardan istifadə edir.

Operativ Media xəbər verir ki, bu barədə energetika naziri Erlan Akkenjenov bildirib.

"Biz süni intellekt texnologiyalarından fəal şəkildə istifadə edirik. Elektrik enerjisi sənayesində süni intellektlə işləyən dronlar elektrik xətlərinin tez diaqnostikasını aparmağa kömək edir", - Akkenjenov bildirib. 

O, həmçinin qeyd edib ki, istilik enerjisi sənayesində robot sistemlər boruların vəziyyətini içəridən skan edir, məqsədyönlü təmirə imkan verir, qaz sənayesində isə süni intellekt köməkçisi sayğacların göstəricilərini avtomatik tanımaq üçün uğurla işləyir.


Şəfa Hüseynli