Rubio Yermak ilə Ukrayna üçün təhlükəsizlik zəmanətlərini müzakirə edib

ABŞ Dövlət katibi Marko Rubio və Ukrayna Prezident Administrasiyasının rəhbəri Andrey Yermak Ukrayna üçün təhlükəsizlik zəmanətlərini müzakirə ediblər.

Operativ Media xəbər verir ki, bu barədə Yermakın müşaviri Aleksandr Bevz məlumat yayıb.

Tərəflərin zəmanət modelini gələn həftənin sonuna qədər tamamlamağı planlaşdırdıqları bildirilir.

Bevzin sözlərinə görə, hərbi zəmanətlər silah tədarükünü, Ukrayna Silahlı Qüvvələrinə maliyyə dəstəyini, kəşfiyyat məlumatlarının mübadiləsini, eləcə də təlim və məşq missiyalarının təmin edilməsini əhatə edir.

Danışıq iştirakçılarının NATO Nizamnaməsinin kollektiv müdafiə haqqında 5-ci maddəsinin uyğunlaşdırılmış versiyası üzərində də iş apardıqları qeyd edilib.