Ukraynanın müdafiə naziri Denis Şmıxal və litvalı həmkarı Dovile Şakaliene uzaqmənzilli dronların birgə istehsalına başlamaq niyyətinə dair saziş imzalayıblar.
Operativ Media xəbər verir ki, bu barədə Şmıxal öz "Telegram" kanalında məlumat yayıb.
“Birlikdə biz birgə istehsala, o cümlədən uzaqmənzilli pilotsuz uçuş aparatlarının yaradılmasına diqqət yetiririk. Kiyevdə Litvanın milli müdafiə naziri Dovile Şakaliene ilə birlikdə Litva və Ukraynada müdafiə təyinatlı məhsulların birgə istehsalına dair niyyət sazişi imzalanıb”, – o yazıb.
Şmıxalın sözlərinə görə, bu sənəd Litvada Ukrayna şirkətlərinin inkişafına dəstək verəcək və texnologiyaların mübadiləsi üçün yeni imkanlar yaradacaq.
