Ukrayna NATO müttəfiqləri ilə dron sənayesini genişləndirir

Ukraynanın müdafiə naziri Denis Şmıqal  Kiyevdə Rumıniya, Litva və Kanadanın müdafiə nazirləri ilə ayrı-ayrılıqda görüşlər keçirib.

Operativ Media xəbər verir ki, bu barədə "Anadolu Agentliyi" məlumat yayıb. 

Bildirilib ki, danışıqlarda hərbi-texniki əməkdaşlığın genişləndirilməsi, xüsusilə pilotsuz təyyarələrin istehsalı və uzunmüddətli hərbi yardımın göstərilməsi məsələləri müzakirə olunub.

"Rumıniya ukraynalı F-16 pilotlarına təlim keçməyə davam edir ki, bu da bizim hava hücumundan müdafiə sistemimizi formalaşdırmaqda vacibdir. Biz hava hücumundan müdafiə sahəsində əməkdaşlığı daha da gücləndirmək barədə razılığa gəldik", - Şmıqal bildirib.