ABŞ Dövlət Departamenti Patriot hava hücumundan müdafiə raket sistemlərinin və müvafiq logistikanın Danimarkaya 8,5 milyard dollara potensial satışını təsdiqləyib.
Operativ Media xəbər verir ki, bu barədə hökumətlərarası müqavilələr əsasında xaricə hərbi texnika və silahların tədarükünə cavabdeh olan Pentaqonun Təhlükəsizlik Əməkdaşlıq Agentliyi məlumat yayıb.
Açıqlamaya görə, Danimarka səlahiyyətliləri daha əvvəl ABŞ-dən 36 GEM-T ələ keçirən raket, 20 PAC-3 ələ keçirən raket, iki AN/MPQ-65 radar stansiyası, iki atəşə nəzarət postu, eləcə də komplekslə əlaqəli digər sistemlər tələb edib.
ABŞ administrasiyası sözügedən silahların mümkün satışını təsdiqləmək barədə qərarını Konqresə artıq çatdırıb. Qanunverici orqanın potensial sövdələşməni nəzərdən keçirmək və bəlkə də onu bloklamaq üçün 30 günü var.
