Su səviyyəsinin aşağı düşməsinin qeydə alındığı Xəzər dənizi ilə bağlı vəziyyət ekoloji fəlakətə yaxındır, problem Şanxay Əməkdaşlıq Təşkilatı (ŞƏT) formatında məsləhətləşmələr üçün prioritet ola bilər.

Operativ Media xəbər verir ki, bunu  Qazaxıstan Prezidenti Kasım-Jomart Tokayev Çinin Tiencin şəhərində keçirilən “ŞƏT Plus” sammitində deyib.

"Bu gün belə bir təmsilçi forum çərçivəsində diqqətinizi çox incə, lakin ciddi bir mövzuya yönəltmək istərdim. Xəzər dənizi ətrafında bu acınacaqlı vəziyyət. Vəziyyət ekoloji fəlakətə yaxınlaşır. Bu problem ŞƏT çərçivəsində uzunmüddətli məsləhətləşmələr üçün prioritet ola bilər", - Tokayev bildirib.