Bakıda 111 küçə və prospektin təmiri nəzərdə tutulub

Paytaxtın bütün rayonlarını əhatə edən genişmiqyaslı yol təmiri proqramı çərçivəsində 111 küçə və prospektdə yenilənmə işlərinin aparılması nəzərdə tutulub.

Operativ Media xəbər verir ki, Azərbaycan Avtomobil Yolları Dövlət Agentliyinin (AAYDA) həyata keçirdiyi proqram çərçivəsində artıq 46 küçədə təmir işləri yekunlaşıb.

Ümumilikdə 32 kilometr uzunluğunda yol yenilənib. Hazırda 20 küçədə təmir işləri davam etdirilir.

Proqrama daxil olan digər küçə və prospektlərdə də işlərin mərhələli şəkildə aparılması planlaşdırılır.

Təmir işlərinin əsas məqsədi paytaxt sakinləri üçün daha rahat, təhlükəsiz və keyfiyyətli yol infrastrukturu yaratmaqdır.