“Instagram” xəbər keçidlərinə icazə verməyəcək

“Instagram” əsas səhifəmizdə paylaşımlara keçid əlavə edə bilmərik və yəqin ki, heç vaxt da olmayacaq. Çünki platforma xəbərləri yerləşdirmək istəmir.
“Operativ Media” xəbər verir ki, bu barədə “Instagram”ın baş direktoru Adam Mosseri iştirak etdiyi tədbirlərin birində qeyd edib. Mosseri bunu platformanın dizaynı ilə əlaqələndirib:

“Əsas səhifədə xəbərləri dərc edə bilməzsiniz, çünki bu halda “Instagram” yalnız xəbərdən ibarət olacaq”.

Platformanın rəhbəri həmçinin qeyd edib ki, “Threads” və “Facebook”da keçid əlavə etməyə icazə verilir.

“Lakin “Instagram”da lent yazılarına keçidlər əlavə etmək proqramı vizual platforma olmaqdan əhəmiyyətli dərəcədə uzaqlaşdıracaq. Biz, ümumiyyətlə, məzmun yaradıcılarını gücləndirmək istəyirik. Xəbərlərə çox diqqət yetirməməyə çalışırıq. Amma insanlar “Instagram”da olduğu üçün orada hər zaman bəzi xəbərlər olacaq” - deyə bildirib.
Mosseri “Threads” hesabında bir suala cavabında isə məsələyə bir az da aydınlıq gətirib: 

“Biz xəbərlərin əleyhinə deyilik. Xəbərlər artıq “Threads”də açıqdır. İnsanlar xəbərləri paylaşa bilər, xəbərləri paylaşan hesabları izləyə bilərlər. Onların heç birinin qarşısını almayacağıq. Bununla belə, biz platformada xəbərləri gücləndirməyə çalışmayacağıq. Platformanın çatdığı yetkinlik səviyyəsini və həddindən artıq vəd vermənin mənfi cəhətlərini nəzərə alsaq, bunu etmək çox riskli olardı".

Sevinc İbrahimzadə