İlk yarımildə 173 mindən çox mülkiyyət hüququnun dövlət qeydiyyatı aparılıb

Bu ilin yanvar-iyun ayları ərzində daşınmaz əmlak üzərində 173 383 mülkiyyət hüququ qeydiyyata alınaraq çıxarışla təmin edilib.

 Operativ Media xəbər verir ki, bu barədə İqtisadiyyat Nazirliyi yanında Əmlak Məsələləri Dövlət Xidməti məlumat verib.

Bildirilib ki, qeydiyyata alınan mülkiyyət hüququnun 30 352-si (17,5 faizi) ilkin, 143 031-i (82,5 faizi) isə təkrar qeydiyyatın payına düşür.

Hesabat dövründə fərdi yaşayış və bağ evi üzərində – 31 211, mənzil – 42 999, torpaq sahəsi – 92 787, qeyri-yaşayış binası – 1 444, qeyri-yaşayış sahəsi – 4 504, əmlak kompleksi – 358, çoxmərtəbəli yaşayış binası – 77 və çoxillik əkmələr üzərində – 3 mülkiyyət hüququnun dövlət qeydiyyatı aparılıb.

Bu dövrdə qeydiyyata alınan mülkiyyət hüquqlarının 46 762-si Bakı şəhərinin, qalan hissəsi isə bölgələrin payına düşür.