Mirzoyan nepallı həmkarı ilə Ermənistan-Azərbaycan razılaşmalarını müzakirə edib

Ermənistanın xarici işlər naziri Ararat Mirzoyan ilə nepallı həmkarı Arzu Rana Deuba arasında telefon danışığı olub.

Operativ Media xəbər verir ki, bu barədə Ermənistan Xarici İşlər Nazirliyi məlumat yayıb.

Mirzoyan Nepalın xarici işlər naizinə avqustun 8-də Vaşinqtonda Ermənistanla Azərbaycan arasında imzalanmış sülh sazişi barədə ətraflı məlumat verib.

Arzu Deuba regionda dayanıqlı sülhün əldə olunması yolunda əldə olunmuş bu nailiyyət münasibətilə ermənistanlı həmkarını təbrik edib.

Ermənistan, Azərbaycan və ABŞ liderlərinin imzaladığı Birgə Bəyannaməyə toxunan Mirzoyan, regional əlaqələrin genişləndirilməsi kontekstində “Trampın Beynəlxalq Sülh və Rifah Marşrutu” (TRIPP) proqramının əhəmiyyətini vurğulayıb.