İranın xarici işlər naziri Abbas Əraqçi “Avropa üçlüyü”nün Tehrana qarşı BMT sanksiyalarının bərpası prosesinə təşəbbüs göstərməsindən sonra Avropa İttifaqının Xarici İşlər və Təhlükəsizlik Siyasəti üzrə ali nümayəndəsi Kaya Kallasa məktub yazaraq Qərbin xoşməramlı olacağı təqdirdə İranın nüvə proqramı ilə bağlı danışıqları bərpa etməyə hazır olduğunu bildirib.

Operativ Media xəbər verir ki, bu haqda “Axios” diplomatik mənbələrə istinadən məlumat yayıb.

Qeyd edək ki, “Avropa üçlüyü” ölkələri olan Fransa, Almaniya və Böyük Britaniya BMT Təhlükəsizlik Şurasının üzvlərini İrana qarşı sanksiyaların bərpası mexanizminin işə salınması barədə xəbərdar edib.