Qazaxıstan Prezidenti Kasım-Jomart Tokayev  Konqo Demokratik Respublikasının Prezidenti Feliks Tşisekedi ilə görüşüb.

Operativ Media xəbər verir ki, bu barədə "Kazinform" məlumat yayıb.

Bildirilib ki, ali qonağın gəlişi şərəfinə mərasim zalında fəxri qarovul dəstəsi düzülüb. Prezident orkestri hər iki ölkənin dövlət himnlərini ifa edib.

Tərəflər arasında yüksək səviyyəli danışıqlar planlaşdırılır, bu danışıqlar zamanı ikitərəfli əməkdaşlığın inkişaf perspektivləri müzakirə olunacaq.


Şəfa Hüseynli