Böyük Britaniya sentyabrın 12-də Rusiyanın hərbi imkanları və gəlir mənbələrini hədəf alan 100 yeni sanksiya tətbiq edib.

Operativ Media xəbər verir ki, bu barədə Britaniyanın xarici işlər naziri İvet Kuper məlumat verib.

Bildirilib ki, yeni sanksiyalar Rusiyanın neft tankerlərindən ibarət “kölgə donanması”na aid 70 gəmini, hərbi texnikanı elektronika, kimyəvi maddələr və partlayıcı maddələrlə təchiz edən 30 şirkət və fiziki şəxsi hədəfə alır.

İngiltərənin bu sanksiyalarla məqsədi Rusiyaya iqtisadi təzyiqi artırmaq və onun qeyri-qanuni müharibəsi üçün lazım olan maliyyə axınını əngəlləməkdir.


Şəfa Hüseynli