İndoneziyada 5,3 bal gücündə zəlzələ qeydə alınıb.

Operativ Media xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, təbiət hadisəsi Sumatra adasının sahillərində qeydə alınıb.

Belə ki, zəlzələnin episentri Benkulu şəhərindən 176 kilometr şimal-qərbdə, ocağı isə 67 km dərinlikdə olub.

Dağıntılar barədə məlumat verilməyib, sunami təhlükəsi elan edilməyib.