Özbəkistanda böyük qaz yatağı aşkar edilib

Özbəkistanın Ustyurt bölgəsində rekord dərinlikdə - 6,5 min metrdə böyük qaz ehtiyatları aşkar edilib.

Operativ Media xəbər verir ki, bu barədə Özbəkistan Prezidenti Şavkat Mirziyoyev məlumat verib.

O qeyd edib ki, əgər əvvəllər neft-qaz sənayesində kəşfiyyat işləri 2,5-3 min metr dərinlikdə aparılırdısa, indiki nəticə sənayenin inkişafında yeni mərhələyə çevrilib.

Özbəkistan prezidenti onu da qeyd edib ki, ölkədə tellur, litium, selen, qrafit, molibden, volfram, titan və digər ehtiyatların böyük ehtiyatları var və onlar yüksək əlavə dəyərə malik məhsullara çevrilməlidir.



Şəfa Hüseynli