Britaniya Rusiyaya qarşı sanksiyalar siyahısını genişləndirib

Böyük Britaniya Rusiyanın IT şirkəti Aeza Group və helikopter şirkəti HeliCo Group-a qarşı sanksiyalar tətbiq edib.

Operativ Media xəbər verir ki, bu barədə Böyük Britaniya Xarici İşlər Nazirliyinin dərc etdiyi yenilənmiş sanksiyalar siyahısında qeyd olunub.

Gürcü biznesmen Levan Vasadze və Gürcüstanın keçmiş baş prokuroru Otar Partsxaladzeyə də məhdudiyyətlər qoyulub. Onlar Rusiyanın Ukraynadakı hərəkətlərini dəstəkləməkdə ittiham olunurlar. Bu şəxslərin Böyük Britaniyaya girişi qadağan edilib.

Bundan başqa, Britaniyanın qara siyahısına Rusiya neftini Gürcüstanın Batumi limanına çatdırdığı iddia edilən iki tanker də var.