ABŞ-də H-1B vizaları üçün tətbiq olunacaq yeni 100.000 dollarlıq rüsum bazar günü qüvvəyə minir.

Operativ Media xəbər verir ki, bu barədə Reuters Ağ Ev-ə istinadən məlumat yayıb.

Məlumata görə, hər bir ərizə (petisiya) üzrə rüsum tutulacaq, lakin bu mövcud viza sahiblərinin ölkəyə yenidən girişində tətbiq olunmayacaq.

"Bu illik rüsum deyil. Bu, yalnız ərizəyə tətbiq olunan birdəfəlik ödənişdir," – Ağ Evin sözçüsü Karolin Leavitt bildirib.

Leavitt bildirib ki, hazırda ölkə xaricində olan H-1B viza sahiblərindən ABŞ-yə qayıtmaq üçün 100.000 dollar alınmayacaq.