Belarus Prezidenti Aleksandr Lukaşenko 25-26 sentyabr tarixlərində Rusiya Federasiyasına işgüzar səfər edəcək.

Operativ Media xəbər verir ki, bu barədə xarici KİV məlumat yayıb.

Dövlət başçısı “Yeni texnoloji mərhələdən – yeni dünyagörüşünə doğru” devizi altında keçiriləcək Qlobal Atom Forumunda iştirak edəcək.

Səfər çərçivəsində Aleksandr Lukaşenkonun Rusiya Prezidenti Vladimir Putinlə ikitərəfli görüşü də planlaşdırılır. Görüş zamanı dövlət başçıları Belarus-Rusiya münasibətlərinin inkişafının aktual məsələləri üzrə fikir mübadiləsi aparacaq, regional vəziyyət və beynəlxalq gündəmi müzakirə edəcəklər.