Tramp Yaponiyaya səfər etməyi planlaşdırır

ABŞ Prezidenti Donald Tramp bu ilin oktyabr ayının sonunda Yaponiyaya səfər etmək niyyətindədir.

Operativ Media xəbər verir ki, bu barədə "Koyoda" agentliyi məlumat yayıb.

Bildirilib ki, hazırda səfərin dəqiq tarixləri dəqiqləşdirilir.

Trampın oktyabrın 31-dən noyabrın 1-dək keçiriləcək Asiya-Sakit Okean İqtisadi Əməkdaşlıq Təşkilatının (APEC) sammitində iştirak edəcəyi qeyd edilib.

Bu, Trampın ikinci prezidentlik dövründə Yaponiyaya ilk səfəri olacaq.


Şəfa Hüseynli