Böyük Britaniyanın Baş naziri Keir Starmer elektron şəxsiyyət vəsiqələrinin ölkənin bütün yetkin sakinləri üçün məcburi edilməsi planlarını elan etməyi planlaşdırır.

Operativ Media xəbər verir ki, bu barədə "BBC" məlumat yayıb.

Bildirilib ki, belə məcburi identifikasiya qeyri-leqal məşğulluq və nəticədə qeyri-qanuni immiqrasiya ilə mübarizəyə kömək edəcək.

Hökumət həmçinin rəqəmsal identifikasiyanı məşğulluq və mənzil üçün məcburi tələb və insanın Böyük Britaniyada yaşamaq və işləmək hüququnu yoxlamaq üçün bir vasitə etməyi planlaşdırır.

Yeni elektron şəxsiyyət vəsiqəsinin dizaynı və funksionallığının geniş ictimai müzakirə yolu ilə müəyyən ediləcəyi gözlənilir.

Hal-hazırda, Böyük Britaniya sakinlərinin  şəxsiyyəti və statusu fiziki sənədlər - pasportlar, sürücülük vəsiqələri və xarici milli şəxsiyyət vəsiqələri vasitəsilə yoxlanılır.

Şəfa Hüseynli