Ukraynanın dövlət və dövlət tərəfindən təminatlı borcu iyulun 31-nə bir ayda 6,58 milyard dollar artaraq 192 milyard dollardan çox olub.

Operativ Media xəbər verir ki, bu barədə Ukraynanın  Maliyyə Nazirliyi bildirib.

Hesabata görə, avqustda Ukraynanın xarici borcu ümumi dövlət borcunun 75,34%-ni təşkil edib – 5,989 trilyon qrivna və ya 145,17 milyard dollar. Ölkənin daxili borcu 24,66%-ə çatıb, 1,961 trilyon qrivna və ya 47,54 milyard dollar təşkil edib.

İyulda Ukraynanın dövlət və dövlət zəmanətli borcu cəmi 1,29 milyard dollar artdığı halda, əvvəlki ay təxminən 4 milyard dollar artıb.

Şəfa Hüseynli