BMT İrana qarşı sanksiyaları bərpa edib.

Operativ Media bu barədə "Kommersant" nəşrinə istinadla xəbər verir.

Məhdudiyyətlərə, digər məsələlərlə yanaşı, İranın xarici aktivlərinin dondurulması, istənilən nüvə texnologiyasının istehsalına qadağa qoyulması və silah embarqosunun bərpası daxildir.

Qeyd edək ki, sanksiyaların bərpası mexanizmi bir ay əvvəl Böyük Britaniya, Almaniya və Fransa tərəfindən işə salınıb.

Ölkələr Tehranı İranın nüvə proqramını tənzimləyən 2015-ci il Birgə Hərtərəfli Fəaliyyət Planı çərçivəsində öz öhdəliklərinə israrlı şəkildə əməl etməməkdə ittiham ediblər.