Paytaxtda bank kartından 6000 pul və 3600 manat dəyərində mobil telefon oğurlayan şəxslər saxlanılıb

Paytaxtın Nəsimi rayonunda talama cinayətləri qeydə alınıb. Naməlum şəxslər ayrı-ayrı vətəndaşlara məxsus bank kartından 6000 pul və 3600 manat dəyərində mobil telefon oğurlayıblar. Bu barədə zərərçəkənlər polis orqanına müraciət ediblər. 

Operativ Media xəbər verir ki, bu barədə DİN məlumat yayıb.

Polis əməkdaşları tərəfindən keçirilən əməliyyat-axtarış tədbiri ilə talama cinayətlərini törətməkdə şübhəli bilinən 38 yaşlı H.Əliyev və 42 yaşlı A.Fərəcullayeva müəyyən olunaraq saxlanılıblar. 

Nizami rayonunda isə ticarət mərkəzlərinin birindən qızıl üzük, eləcə də avtomobildən 500 manat nağd pul oğurlamaqda şübhəli bilinən 54 yaşlı Ç.Babayeva və əvvəllər məhkum edilmiş 41 yaşlı İ.Nağıyev tutulublar. 

Faktlarla bağlı araşdırmalar davam etdirilir.