Bu ilin yanvar-aprel aylarında "Azərbaycan Dəmir Yolları" QSC-nin (ADY) ölkədaxili marşrutlar və Abşeron dairəvi dəmir yolu ilə ümumilikdə 3 milyon 597 min 854 sərnişin daşınıb.

Operativ Media xəbər verir ki, bu barədə ADY məlumat yayıb.

Bildirilib ki, bu, ötən ilin eyni dövrü ilə müqayisədə 21 % çoxdur.

Təkcə apreldə isə 1 milyon 29 min 184 sərnişin daşınıb ki, bu da 1 il əvvələ nisbətən 14 % çoxdur.

Bu il ADY ilə səfər etmiş xarici turistlərin sayı 8 500 nəfəri ötüb.