29 iyul tarixində saat 23:55 radələrində Bakı metropolitenini qidalandıran yüksək gərginlikli elektrik kabel xəttində baş vermiş qısaqapanma səbəbindən Yaşıl xəttin "Memar Əcəmi–Dərnəgül" sahəsində qatarların hərəkətində qısamüddətli fasilə yaranıb.

Bu barədə Operativ Media-nın sorğusuna cavab olaraq "Bakı Metropoliten" QSC-dən bildirilib.

Qeyd edilib ki, operativ görülmüş tədbirlər nəticəsində alternativ elektrik mənbələrindən istifadə olunaraq qatarların hərəkəti qısa müddətdə bərpa edilib və Bakı metropoliteni normal iş rejimində fəaliyyətini davam etdirib.